Pamigunam para king Evangelio ning Ka-32 Domingo ning Karaniuan a Panaun
Marcos 12:38-44
10 Nobiembri 2024
Sis. Yhan Sebastian
Kalupa ning pamagmasid nang Jesus kareng makwaltang memye pera bilang donasyun, ikit ne ing pacacalulung babaing balu a memaldug adwang barya, sinabi na ing katutuan! Mas maragul ya binye ing babaing balu kesa kekayu ngan! Uling ikayu binye yu ibat king sobra-sobra yung pera, samantalang ining balu pauli ning cacaluluan andiang deta namu ring kayang pera binye no pa.
King kekatamung pamibie-bie balu tamu ing kasakitan ning metung a imang mebalu, Tatang na ka! Ima ka pa! Gawan anting damulag ing sarili ban makapagobra’t abie ing pamangailangan da reng anak tamu! Pilit magpakatatag at magpasikan a bala mu SUPERHERO at maralas tang daramdaman “isubu na nya, ibie ne pa”. Misan mapapagal, matatatda oneng e da apakit ing saingsing o reklamu man, pibabatan pauli ning buri da maging manawa la ding karelang anak.
Kalupa nang JesuCristo, dinaun na ing Keyang sarili ba na katamung ayatbus king kasalanan.
Bilang anak, nang susukli tamu king sakripisyung gagawan da kekatamu? Sukal a lub, kunsumisyun, pipilitan ing luhu a e da naman agyu!
Mabyasa tamu sanang maging mayap, pasalamat at maging kuntentu king Apung Ginu at balikid king grasya at sakripisyung gewa Na kekatamu.
Ing sandata da reng indu tamu yapin ing pangadi a pikukwanan dang sikanan, tetagan, at daramdaman ing “GOD WILL PROVIDE”, pero kailangan ta pa murin kimut at magobra kayagnan ning pamanialpantaya at pasalamat king grasyang pagkalub Na kekatamu.
Ikatamu kaya! Nanu ing maliari tamung idake?
Atin ta ngan maliaring idake at tanggapan king bie, kailangan mu ing kapakumbaban ba ta’ng makapangapmu at mikapmuan.
Kapilan man, ing Ginu e na ka paburen at kalingwan king ganakang papakit mu king kaparang tau.
