King kagatpanapunan ning Bisperas ning Pasku, ganakan tayang pasibayu ing pamaglakbe da ri Maria at Jose, mitmung kapanayang manintun bale pipaglayunan nung nukarin ya mibait ing kekatamung Talapagligtas y Jesus.
Iti metung yang matuang Tradisyung Candabeño patse daratang ing Bisperas ning Kapaskuan. Ring adwang miasawa ganap la antimong Maria ampon Jose kayantabe la ring maldang kakantang dalit king pamaglayunan. Kadalasan karing gaganap, ing kapagnasan da ing mika-anak king pamilya.
Tara, saksian tamu iti karing kekatamung barangay. Salubungan taya ing Pangabait ning Ginu tamung JesuKristo! Magsadya tana uling malapit na!
Photo Cortesy : National Library of the Philippines (Luther Parker Collection 1908) and Bro. Carlo Reyes
