PAMPAROKYANG CRUZADA 2025 | BULAN NING BANAL A ROSARIO
Magumpisa ne bukas (Oktubre 1) ing pamandalo ning imahen ning Virgen de los Remedios, Sto. Cristo del Perdon y Caridad, at San Andres Apostol karing Barriong sasakupan ning kekatamung Parokya. Iting pamandalo makaparikil ya king pamagmasusi ning Bulan ning Banal a Rosario at ing pamagsadia para king Kafiestan nang San Andres Apostol a patulunan tamu king tutuking bulan ning Nobiembri kambe ning pamagmasusi ning mabilug a kapulungan king Giubileo ning Kapanayan kaniting banua.
Kukumbiran ta la ngan ding sablang parokyanos a makisanmetung kaniting pamandalo at manalangin kayabe nang Maria, ing kekatamung munag ning e mabibigung kapanayan.
Bapu, Cruz nang Cristo, ing Bukud ming Kapanayan!
Virgen de los Remedios, Munag ning Kapanayan, ipanalangin mu kami.
San Andres, Apostol ning Lugud at Kapanayan, ipanalangin mu kami.
Larawan menibatan karing San Andres Apostol Parish Media Ministers
